आज मिति २०७९।०२।२६ गते केराबारी गाउँपालिका अध्यक्ष श्री सुमन मिरिङचिङ मगर ज्यू तथा उपाध्यक्ष श्री मन माया मगर ज्यूद्वारा केराबारी गाउँपालिका ५ नं वडाका पशुपालक कृषकहरुलाई ५०% प्रतिशत उन्नत जातका ९ वटा बोयर बोका वितरण गर्नु भएको छ। साथै विभिन्न वडाका पशुपालक कृषकहरुलाई जमुनापारी बोका,पाठी साथै वर्कसायर जातका सुँगुरका पाठा/पाठि वितरण गर्ने कार्यक्रम रहेको छ।

आज मिति २०७९।०२।१९ गते केराबारी गाउँपालिका अध्यक्ष श्री सुमन मिरिङचिङ मगर ज्यूको अध्यक्षतामा नवनिर्वाचित जनप्रतिनिधि ज्यूहरुको प्रथम कार्यपालिका वैठक वसेको छ । उक्त कार्यपालिका वैठकद्वारा कार्यपालिका सदस्य श्री नारायण प्रसाद भुजेल ज्यूलाइ केराबारी गाउँपालिका प्रवक्ताको जिम्मेवारी तोकेको छ ।

आज मिति २०७९।०२।१६ गते केराबारी गाउँपालिका अध्यक्ष श्री सुमन मिरिङचिङ मगर ज्यू ले नवनिर्वाचित कार्यपालिका सदस्य ज्यूहरुलाई शपथ ग्रहण गराउनु भएको छ । उक्त कार्यक्रममा केराबारी गाउँपालिका उपाध्यक्ष श्री मनमायामगर ज्यूको समेत उपस्थिति रहेको थियो । नवनिर्वाचित कार्यपालिका सदस्य ज्यूहरुमा महिला सदस्य श्री मनमाया विस्वकर्मा, श्री रेखा वि.क, श्री लिला देवि दर्जि र गंगा लिम्बु र अल्पसंख्यक वा दलित सदस्य श्री नारायण प्रसाद भुजेल र श्री लोक वहादुर विश्वकर्मा रहनु भएको छ ।

आज मिति २०७९।०२।१२ गते मनोसामाजिक अपाङ्गता भएका व्यक्तिहरुलाई पुनस्थापना तथा परामर्ष गर्दै आएको गैर सरकारी संस्था कोशिस नेपालसंग केराबारी गाउँपालिका अध्यक्ष श्री सुमन मिरिङचिङ मगर ज्यू तथा उपाध्यक्ष श्री मनमाया मगर ज्यू लगायत अन्य सरोकारवालाहरुसंग सचेतनामुलक छलफल कार्यक्रम सम्पन्न भयो । साथै उक्त संस्थाले नवनिर्वाचित अध्यक्ष ज्यू र उपाध्यक्ष ज्यूलाई सफल कार्यकालको शुभकामना समेत व्यक्त गरेको थियो ।