आज मिति २०७९।०४।२५ गते केराबारी गाउँपालिकाको बजार अनुगमन समितले केराबारी बजार क्षेत्रका विभिन्न पसलहरुमा खाद्यान्न समाग्रीहरुको अनुगमन तथा निरिक्षण गरेको छ । म्याद गुज्रेका खाद्यान्न सामाग्रीहरुलाई सुरक्षित स्थानमा नस्ट गरिएको छ । बजार अनुगमनलाई प्रभावकारी बनाउन नियमित बाहेक देश भरि एकै दिन र एकै समयमा संयुक्त अनुगमन कार्य संचालन भएको हो । आगमि दिनमा नियमित रुपमा बजार अनुगमन गरिनेछ ।

आज मिति २०७९।०४।१८ गते देखी केराबारी पालिका अस्पतालमा फिजियोथेरापी सेवा तथा दैनिक OPD सेवा विहान ६ बजे देखि बेलुका ६ बजे सम्म ( १२ घण्टा) सेवा प्रवाहको शुभारम्भ भएको छ । उक्त स्वास्थ्य सेवा प्रवाहको समुद्घाटन केराबारी गाउँपालिका अध्यक्ष श्री सुमन मिरिङचिङज्युले गाउँपालिका उपाध्यक्ष श्री मनमाया मगर ज्यू, वडा नं ७ अध्यक्ष श्री खगेन्द्र प्रसाद निरौला ज्यू, ८ नं वडा अध्यक्ष श्री कमल कुमार बस्नेत ज्यू, १० वडा अध्यक्ष श्री पुर्ण वहादुर मगर ज्यू, प्रमुख प्रशासकीय अधिकृत श्री सुदर्शन दाहाल ज्यू लगाएत सम्पुर्ण स्वास्थ्यकर्मिहरुको उपस्थितिमा गर्नु भएको थियो ।

आज मिति २०७९।०४।१२ गते केराबारी गाउँपालिका आर्थिक विकास समितिका संयोजक श्री प्रेम वहादुर लिम्बु ज्यूको अध्यक्षता, केराबारी गाउँपालिका अध्यक्ष श्री सुमन मिरिङचिङ ज्यूको प्रमुख आतिथ्यता र उपाध्यक्ष श्री मनमाया मगर ज्यूको विशिष्ट आतिथ्यतामा केरावारी गाउँपालिकामा क्रियाशिल सहकारीका व्यवस्थापक तथा पदाधिकारीहरूका लागि सहकारी तथा गरिबी व्यवस्थापन सूचना प्रणाली (COPOMIS) संचालन सम्बन्धी क्षमता अभिवृद्वी तालिम सुचारु भएको छ । उक्त कार्यक्रम ४ दिन सम्म केराबारी गाँउपालिकाका २२ वटा सहकारीकाे सहभागीतामा संचालन हुनेछ ।

आज मिति २०७९।०३।१३ गते केराबारी गाउँपालिका, गाउँ कार्यपालिकाको सभाहलमा राष्ट्रिय परिचयपत्र व्यवस्थापन जिल्ला स्तरिय समन्वय समिति मोरङले केराबारी गाउँपालिकाका रुजु अधिकारीहरुको लागी एक दिवशिय अभिमुखिकरण कार्यक्रम संचालन गरेको छ । उक्त कार्यक्रममा मोरङ प्रमुख जिल्ला अधिकारी श्री काशिराज दाहाल ज्यू, केराबरी गाउँपालिका अध्यक्ष श्री सुमन मिरिङचिङ मगर ज्यू र केराबारी गाउँपालिका उपाध्यक्ष श्री मनमाया मगर ज्यूहरुले क्रमश अध्यक्षता, प्रमुख आतिथ्यता र विशिष्ट आतिथ्यता गर्नु भएको थियो ।