मिति २०८३।०३।१० गते केराबारी गाउँपालिका अध्यक्ष श्री सुमन मिरिङचिङज्यूले आव्हान गर्नुभएको केराबारी गाउँपालिका गाउँ सभाको १८ औं अधिवेशनमा आ.व. २०८३।०८४ को बजेट सम्बन्धी विनियोजन ऐन पेश साथै स्वीकृत भएको छ । बजेट वक्तव्य केराबारी गाउँपालिका उपाध्यक्ष श्री मनमाया मगरज्यूले प्रस्तुत गर्नु भएको थियो ।

आज मिति २०८३।०२।२१ गते केराबारी गाउँपालिका अध्यक्ष श्री सुमन मिरिङचिङज्यूको अध्यक्षतामा केराबारी गाउँपालिकाको सुशासन, सामजिक उत्तरदायित्व, पारदर्शिता एवम जवाफदेहिताको लागि गाउँ कार्यपालिकाको कार्यालय रअन्तर्गतका कार्यालयहरुवाट चालु आ.व. २०८२।०८३ मा भए गरेका विकास निर्माण तथा सेवा प्रवाह सम्बन्धि सार्वजनिक सुनुवाई कार्यक्रम सम्पन्न भएको छ । उक्त कार्यक्रममा केराबारी गाउँपालिका उपाध्यक्ष श्री मनमाया मगरज्यू, प्रमुख प्रशासकीय अधिकृत श्री जयराम श्रेष्ठज्यू,वडा अध्यक्षज्यूहरु, कार्यपालिका सदस्यज्यूहरु, वडा सदस्यज्यूहरु एवं केराबारी गाउँपालिकावासी महानुभावहरुको उपस्थिति रहेको थियो ।

आज मिति २०८२।११।१७ गते केराबारी गाउँपालिका अध्यक्ष श्री सुमन मिरिङचिङज्यूको प्रमुख आतिथ्यता तथा केराबारी गाउँपालिका उपाध्यक्ष श्री मनमाया मगरज्यूको विशिष्ट आतिथ्यतामा १ महिने हलुका सवारी चालक ड्राइभिङ तालिमको समापन तथा सवारी चालक अनुमति-पत्र वितरण सम्पन्न भएको छ । १०९ जनाले ड्राइभिङ प्रशिक्षण तालिम प्राप्त गर्नु भएको छ भने ८८ जनाले सवारी चालक अनुमति पत्र प्राप्त गर्नु भएको छ । यस तालिम केराबारी गाउँपालिकाको आर्थिक सहयोग तथा दुर्गा ड्राइभिङ सेन्टर सुन्दरहरैचाको प्राविधिक सहयोगमा संचालन भएको हो ।

आज मिति २०८२।०४।१९ गते केराबारी गाउँपालिका अध्यक्ष श्री सुमन मिरिङचिङज्यूको अध्यक्षतामा आ.व. २०८१।०८२ को वार्षिक समिक्षा कार्यक्रम सम्पन्न भएको छ । कार्यक्रममा केराबारी गाउँपालिका उपाध्यक्ष श्री मनमाया मगरज्यू, प्रमुख प्रशासकीय अधिकृत श्री जयराम श्रेष्ठज्यू, वडा अध्यक्षज्यूहरु, कार्यपालिका सदस्यज्यूहरु , विषयगत शाखा प्रमुखज्यूहरु, वडा सचिवज्यूहरु,स्वास्थ्य संस्था प्रमुखज्यूहरु लगायतको उपस्थिति थियो । कार्यक्रममा क्रमशः स्वास्थ्य संस्था प्रमुखज्यूहरु, वडा सचिवज्यूहरु र विषयगत शाखा प्रमुखज्यूहरुले आफ्नो संस्था, वडा तथा शाखाको आ.व. २०८१।०८२ को वार्षिक प्रगति प्रस्तुति गर्नु भएको थियो ।