आज मिति २०७९।१२।२५ गतेवाट केराबारी गाउँपालिका वडा स्तरीय खेलकुद कार्यक्रम २०७९ समापन भएको छ । आज भएको समापन कार्यक्रमको अध्यक्षता, प्रमुख आतिथ्यता र विशिष्ट आतिथ्यता क्रमश केराबारी गाउँपालिका खेलकुद विकास समिति अध्यक्ष श्री शरण थापा मगर ज्यू, प्रदेश सभा सदस्य माननीय श्री खड्ग वहादुर वस्नेत ज्यू र केराबारी गाउँपालिका उपाध्यक्ष श्री मनमाया मगर ज्यूले गर्नु भएको थियो । उक्त कार्यक्रम विभिन्न खेलका विजेता खेलाडीहरुलाई पुरस्कार वितरण भएको थियो ।

आज मिति २०७९।१२।१७ गतेवाट केराबारी गाउँपालिका वडा स्तरीय खेलकुद कार्यक्रम २०७९ सुभारम्भ भएकोछ । आज भएको समुदघाटन कार्यक्रमको अध्यक्षता केराबारी गाउँपालिका खेलकुद विकास समिति अध्यक्ष श्री शरण थापा मगर ज्यूले गर्नु भएको थियो भने प्रमुख आतिथ्यता केराबारी गाउँपालिका अध्यक्ष श्री सुमन मिरिङचिङ ज्यूले गर्नुभएको थियो । उक्त कार्यक्रम २०७९।१२।२५ गते सम्म संचालन हुनेछ ।

आज मिति २०७९।१२।०२ गते केरबारी गाउँपालिका उपाध्यक्ष श्री मनमाया मगर ज्यूको अध्यक्षतामा भएको कार्यक्रममा उपाध्यक्षसंग सुरक्षित सुत्केरी प्रोत्साहन कार्यक्रम अन्तर्गत केराबारी गाउँपालिका भित्र स्वास्थ्य संस्थाहरुमा सुत्केरी हुने आमाहरुलाई विभिन्न प्रोत्साहन सामाग्री प्याकेज वितरण गर्ने कामको सुभारम्भ गरियो ।

आज मिति २०७९।११।१९ गते केराबारी गाउँपालिका अध्यक्ष श्री सुमन मिरिङचिङ ज्यूको अध्यक्षतामा भएको कार्यक्रममा केराबारी गाउँपालिकाको "एक विद्यालय- एक कम्प्युटर" कार्यक्रम अन्तरगत १० ओटा विद्यालयलाई कम्युटर र प्रिन्टर प्रदान गरिएको छ । उक्त कार्यक्रममा केराबारी गाउँपालिका उपाध्यक्ष श्री मनमाया मगर ज्यू र प्रमुख प्रशासकीय अधिकृतज्यू समेतको उपस्थिति रहेको थियो ।